Feldenkrais Metodoa®
Nork bere burua ezagutzeko metodo bat da. Mugimenduaren bitartez, aukera ematen digu gure barne-antolaera ezagutzeko; eta egiteko molde berriak garatzen eta ikasten laguntzen digu (bai geure buruarekiko, baita inguruarekiko ere).
Ezinezkoa da irudikatzea bizitza mugimendurik gabe. Bizitza mugimendua da: txiki-txikitatik, gure gorputzak funtzionatzeko oinarrizko mugimenduak garatzen ditugu (arnasa hartzea, jatea, komunera joatea…), baita konplexuenak ere (aukera ematen digutenak ibiltzeko, korrika egiteko eta salto ere egiteko, 3 urte inguru ditugunerako). Bada, dagoeneko helduak izan arren, Feldenkrais Metodoak® ahalbidetuko digu gure mugimendua modu eraginkorrago batean antolatzen ikasteko, burmuinak neuronen arteko lotura berriak sortzeko duen gaitasunean oinarrituta (neuroplastizitatea).
Feldenkrais Metodoan, funtsezkoa da norbanako bakoitzaren erritmo eta ahalbideak errespetatzea, eta horietara moldatzea
Egiaztatutako profesionalek baino ez dute lantzen Feldenkrais Metodoa, bi modalitatetan: Mugimenduaren bidezko Autokontzientzia® eta Integrazio Funtzionala®.
Modalitateak
Mugimenduaren bidezko Autokontzientzia®
Irakasleak ahoz gidatutako klaseak dira, norbanakoak edo taldekakoak.
Ikasleek mugimendu-sekuentziak egiten dituzte, arreta-galderen bidez gidatuta, eta funtzio motor bat edo batzuk arakatzen dituzte.
1.000 klase baino gehiago daude erregistratuta. Gure biomekanikaren ezagutza sakonean oinarrituta, antolatuta daude aldaketak ikasi eta eragiteko, ahalegin ahalik eta txikienarekin eta eraginkortasun ahalik eta handienarekin.
Integrazio Funtzionala®
Banakako lana da. Irakasleak ikaslea gidatzen du, eskuzko kontaktu leunaren bitartez.
Aukera ematen du ikaslearen kontu jakinak zehaztasun handiagoz lantzeko.
Helburu nagusia da ikaslearen berezko antolaera ezagutzea, eta aztertzea modu eraginkorrago batean funtzionatzeko bide berriak.
Zein onura ditu??
Teknikak onura ugari ditu:
- Gorputz-jarrera kaltegarrietatik eratorritako ohiturak hobetu edo konpontzea.
- Mugikortasuna eta oreka hobetzea.
- Barne-antolaketa maila areagotzea.
- Nork bere buruaren irudia handitzea.
- Nork bere burua ezagutzeko eta garapen pertsonalerako prozesuak lantzea.
Norentzat da?
- Gorputz-jarrerei lotutako min edo ondoezak edo min ematen dieten mugitzeko moduak dituztenentzat.
- Lesio, kirurgia eta/edo gaixotasun baten ondorioz mugikortasuna eta eguneroko jardunean jarduteko gaitasuna murriztu zaienentzat. Bereziki gomendagarria da gaixotasun edo lesio neurologikoak dituztenentzat.
- Beren barne-antolamendua hobeto ezagutu eta egiteko molde berriak aztertu nahi dituztenentzat.
- Dantzarientzat, kirolarientzat, aktoreentzat.
Feldenkrais® haurrentzat
Feldenkrais Metodoa®, modalitate indibidualean (Integrazio Funtzionala®), oso eraginkorra da aniztasun funtzionala duten haurrentzat, eta, istripu edo ebakuntza bat dela eta, mugikortasuna, funtzio motorra eta garapena ukituta duten umeentzat.
Edozein haurrek du ikasteko potentziala, bere aukerak mugatuak direla iruditu arren. Haurtxo eta umeekin Feldenkrais Metodoa® erabiltzen dugunean, potentzial hori aprobetxatu, eta estimulatu egiten dugu jolasaren eta konfiantzaren bitartez, eta kontaktu atsegina, adeitsua eta minik gabekoa eskaintzen diegu. Horri esker, garapena eta autokonfiantza sustatzen diegu beren baldintza bereziak direla- eta duten adinari dagozkion estandarrak berez lortzen ez dituzten haur eta umeei.
Honako hauek dituzten umeak artatzen ditugu: garuneko paralisia, asaldura genetikoak (Down-en sindromea eta beste batzuk), nerbio-sistemaren garapenaren asaldurak, istripu zerebrobaskularra eta abar. Gaixotasunik, ebakuntzarik edo istripurik izan ez, baina mugikortasunaren garapenean mugak dituzten haurrak ere tratatzen ditugu.
Saioak indibidualak dira, eta 60 minutu irauten dute.
Mugimenduaren bidezko Autokontzientzia® klaseak, astero
Mugimenduaren bidezko Autokontzientzia® klaseak ematen ditugu. Taldean izaten dira, asteko zenbait egun eta ordutan, bi formatutan: presentziala (gehienez ere, 6 lagun) eta linean (streamingean), Zoom bidez.
Tailer trinkoak
Larunbat goizez
Mugimenduaren bidezko Autokontzientzia® (MBA) ikastaro trinkoak hileko bi larunbatetan egiten ditugu, goizeko ordutegian.
Ez baduzu inoiz Feldenkrais Metodoaren® MBA klaserik jaso, tailer horiek aukera emango dizute teknika hori ezagutzeko. Eta, dagoeneko praktikatzen baduzu, tailer bakoitzean landuko ditugun gaietan sakondu ahalko duzu.
Tailer bakoitzean gai bat jorratuko dugu, eta, guztira, 3 MBA aztertuko ditugu, larunbat bakoitzean landuko dugun gaiaren inguruan.
Tailer batzuetara edo guztietara etorri ahal duzu, jorratuko dugun gaia interesatzen zaizulako, edo, besterik gabe, zeure buruari tartetxo hori eskaintzeko.
Motak
Presentziala: gehienez ere, 6 lagun
Linean: streamingean (Zoom bidez).
Izen-ematea
Vanesak emandako ikastaroetarako: 946110343
Fernandok emandako ikastaroetarako: 688659026
Noiz?
Hilean bi larunbat goizez, 10:00etatik 13:15era.